મેષ રાશિ ૨૦૨૧ રાશિફળ : જાણો મેષ રાશિ માટે વર્ષ ૨૦૨૧નું વિસ્તૃત વાર્ષિક રાશિફળ

 મેષ રાશિ ચક્રની પ્રથમ રાશિ હોય છે. આ રાશીના જાતકોનું ચરિત્ર ખૂબ જ ચોખ્ખું તથા આદર્શવાદી હોય છે. લાલચ કરવી આ રાશિના જાતકોને બિલકુલ પસંદ હોતી નથી અને પોતાની સાથે થયેલા અપમાનને તેઓ જલ્દી ભૂલી શકતા નથી અને મનમાં દબાવીને રાખે છે અને જ્યારે પણ તેમને અવસર મળે છે તેનો બદલો જરૂર લેતા હોય છે. મેષ રાશીનો સ્વામી મંગળ ગ્રહ છે. જો તમારી રાશિ મેષ છે અને તમારા દિમાગમાં પ્રશ્ન ઉભા થઇ રહ્યા છે કે વર્ષ ૨૦૨૧ તમારી આર્થિક, પારિવારિક, સ્વાસ્થ્ય, કારકિર્દી અને પ્રેમ જીવન માટે કેવું રહેશે, તો વૈદિક જ્યોતિષ પર આધારિત અમે તમને અમારા આ રાશિફળમાં બધા પ્રશ્નોના ઉત્તર આપીશું.

આર્થિક સ્થિતિ

નવા વર્ષમાં મેષ રાશિના જાતકોની આર્થિક સ્થિતિ ની વાત કરવામાં આવે તો આર્થિક રૂપથી ૨૦૨૧ મેષ રાશિવાળા લોકો માટે ઉત્તમ રહેવાનું છે, પરંતુ ખોટા ખર્ચ કરવાની આદત તમને પરેશાન મૂકી શકે છે. ખર્ચ પ્રત્યે બેદરકાર રહી શકો છો. પૈતૃક સંપત્તિથી લાભ પ્રાપ્ત થશે. પરિવારજનો સહયોગ મળશે. આ વર્ષે અમુક નવો સામાન ખરીદશો તો પૈસાની બચત કરવામાં સફળ રહેશો નહીં, એટલા માટે વધારે કોઈ કીમતી વસ્તુ ખરીદતા સમયે થોડી સતર્કતા રાખવી. તમને વર્ષની શરૂઆતમાં કોઈ અતિ મહત્વપૂર્ણ સૂચના મળી શકે છે.

પારિવારિક જીવન

વર્ષના આરંભિક ત્રણ મહિનામાં પરિવાર તમારા માટે ખૂબ જ સકારાત્મક અને મદદગાર રહેશે. પરિવારની સલાહ પર ચાલવું તમારા માટે વધારે લાભપ્રદ સાબિત થશે. એકતરફી વિચારસરણી તમને પરેશાન કરી શકે છે. તમને દગો આપતા લોકોથી દૂર રહેવું. નવા વર્ષમાં તમારા પારિવારિક જીવનમાં અમુક પરેશાની પણ થઈ શકે છે તથા વાદવિવાદ પણ સંભવ છે. માતાની સાથે સંબંધોમાં મધુરતા રહેશે. સામાજિક કાર્યોમાં રુચિ રહેશે. ભાગ્યની પ્રબળતાને કારણે બધા જ પારિવારિક કાર્ય સફળ બનશે. એપ્રિલ મહિનામાં નવા મહેમાનનું આગમન થઇ શકે છે.

સ્વાસ્થ્ય

નવા વર્ષમાં તમારા પોતાના સ્વાસ્થ્યનું ખૂબ જ ધ્યાન રાખવાની જરૂરિયાત છે. જો તમે સમગ્ર વર્ષ સ્વસ્થ રહેવા માંગો છો તો તમારે આહાર અને જીવનશૈલીમાં અમુક આવશ્યક બદલાવ કરવાની જરૂરિયાત છે. આ બદલાવ શું હશે તે તમને સમય આવવા પર માલૂમ પડી જશે. આતરડા લીવર અને રક્ત સંબંધી સમસ્યાઓ તમને ઓગસ્ટથી ડિસેમ્બર મહિનામાં પરેશાન કરી શકે છે. જો તમે પોતાની ખાણીપીણી પ્રત્યે સજાગ રહેશો અને સીમિત માત્રામાં આહાર લેશો તો તમારે સ્વાસ્થ્ય પ્રત્યે ચિંતા કરવાની બિલકુલ પણ આવશ્યકતા નથી.

પ્રેમ જીવન

મેષ રાશિવાળા લોકોની લવ લાઇફ નવા વર્ષમાં ખૂબ જ સારી રહેશે. પ્રેમ સંબંધોમાં નવી ઉર્જાનો સંચાર થશે. તમને મહિલા મિત્ર તરફથી પૂરો સહયોગ મળશે. જો તમે સિંગલ છો તો આ વર્ષે કોઈ મોટી ખુશખબરી મળી શકે છે. તમને લવ લાઇફના સંબંધમાં કોઇ મોટો નિર્ણય લેવો પડી શકે છે. તે વાતનું ધ્યાન રાખવું કે તમે જે નિર્ણય લેશો તે તમે સરળતાથી બદલી શકશો નહીં. કોઈ વાતને લઈને વધારે જીદ કરવી નહીં, નહીંતર વિવાદ થઈ શકે છે. લવ લાઇફમાં જૂન મહિના બાદ સ્થિરતા આવશે. આ વર્ષે કોઈ અન્ય ધર્મના વ્યક્તિ સાથે તમે વધારે નજીક જઈ શકો છો.

કારકિર્દી

વર્ષના મધ્યમાં કારકિર્દી સંબંધિત અમુક મોટી પરેશાનીઓનો સામનો કરવો પડી શકે છે. પરંતુ સમયની સાથે આ સ્થિતિમાં સુધારો થતો જશે, એટલા માટે વધારે ચિંતા કરવાની આવશ્યકતા નથી. આ વર્ષે નોકરીનાં ઘણા અવસર આવશે, તમારે યોગ્ય સમયની રાહ જોવાની છે અને સમજી-વિચારીને અવસરનો લાભ ઉઠાવવાનો છે. બેરોજગાર લોકોને નોકરીનાં અવસર મળશે અને જે લોકો પહેલાથી નોકરી કરી રહ્યા છે અને તેઓ નોકરી છોડીને અન્ય જગ્યાએ નોકરી કરવા માંગે છે, તો તેઓએ ત્યાં સુધી જુની નોકરી છોડવી નહીં જ્યાં સુધી નવી નોકરી મળી ન જાય.

વૈદિક ઉપાય

જ્યારે પણ કોઈ લાંબી યાત્રા માટે ઘરેથી નીકળો તો કોઈ સફેદ ગાયને કાચા ચોખા અવશ્ય ખવડાવવા, તેનાથી નિશ્ચિત રૂપથી તમારી યાત્રા શુભકારી રહેશે. મહિનાનાં પહેલા સોમવારનાં દિવસે સુહાગન સ્ત્રીઓને સુહાગ નાં સામાનનું દાન કરવું. તેનાથી તમારા પારિવારિક જીવનમાં રહેલી બધી પરેશાનીઓ દૂર થશે.

શુભ મહિનો અને શુભ રંગ

મેષ રાશિના જાતકો માટે નવેમ્બર મહિનો ખૂબ જ શુભ સાબિત થઈ શકે છે. આ મહિનામાં ઘણા શુભ સમાચારોની પ્રાપ્તિ થશે. જાંબલી રંગ તમારા માટે શુભ રહેશે.